domenica 9 maggio 2010

Dal Mont s'ved el mar

.

I’ en la cnosch la foschia marina
se nascond i vascelli fantasma
o se la caligin infida
Dventarà nebbia stanott.

En cnosch el nom del vent
se guard el fil dl’onda
o se odor el sal
pers tl’aria salmastra

Io el Far el veg da dietra
dai mont del gir inutil
du strissa l’occh
per po’ arguardè l’acqua.

Io so l’strollig dl’acqua stretta
distingue i granell da le panucc’
te so dì s’tacca o non tacca
da com vien giò le polisch

El mi pass quand buffa
trova la piola nascosta
sotta la mucchia de nev
ch'fa caschè el marinar

I dubbi de ch’i atre
a Urbin è i mister
e l’inisiasion
s’fa tla Barburana
.

giovedì 1 aprile 2010

Amore mio

.
Amore mio
se non ti amassi
t’amass io

Le lucciol

.


Cl’atra nott en chiapav son
alora me so alsat.
Dietra l’avlan ho arvist cle luc’
che da bordel i dav la caccia
per mettle tun bichier
e trovè cent lir el giorne dop.
Chi piò grand invec
i givne dietra sa le bordelle
mo era na scusa per pomicè.
Po a ’n cert punt
lor han cminciat a sparì
e i me so sposat.
Adess digne ch’en c’en piò.
Mo alora sa ch'ho vist,
le lucciol, o i mi ricord?

In occasione della riapertura della Ferrovia Urbino-Fano

Alleluja! Finalment
tutt Urbin è a la Stasion
en c’è un ch’en è content
d’arviaggè tun chi vagon.

C’è la fila ma’l cancell
per montè t’la sconda class
che t’la prima c’è ‘n cartel:
”Riservata ai capatass”.

Ecch' s’é moss e sem partitt!
Ha fischiat el capstasion
quei armasti tel piancitt
ce salutne sa’l magon.

En s’fa in temp a dì “che bel”
che sem già t’la galleria
tun chel scur piagn un bordel
e ‘na sposa dic’ “va via!”

Arivati a Fermignen
quei del post voine montè
mo cum veghne ch’è tutt pien
cmincen subbit a sbraitè:

“en è giust che quei d‘Urbin
han chiapat tutt le poltron”
acsé i dan el contentin
tacand sò n’atre vagon.

Fosombron naturalment
ecch’ un’antra incassatura
e ma’l tren che va già lent
agiungem n’antra vetura.

Sa’n gran sfors arpart pian pian
mo suced n’antra sommossa
quand arivne a Cuccuran:
”anca no vlem na carossa!"

Quei a Fan aspetta pur
fin a not tun cla stasion
stan tel palch le Prefetur
la Provincia e la Region.

C'è la banda che i aspetta
c'è chi dorme e chi è git via
c'è chi armedia na marchetta
po d’un tratt ecch n’agenzia:

c’en riuscitti, en arpartit!
Han stacat tutt le caross
dal vagon du c’è el Partit
ch’è in arrivo a piò non poss!

Taca banda, bordei cantat!
I bei tempi en artornat
perché tun cla Ferovia
viaggia la Democrasia.

domenica 21 marzo 2010

.

Di più

non potevo

avevo te sul petto

e una nuvola per cuscino

.

Vigilia elettoral

Machè a Urbin è tradision,
tutt le volt ch'c'è n'elesion,
da risolva tutt'i guai,
sa na squadra d'operai.

C'è un uficio permanent,
sa la lista di lament,
mo en è fat, badatce bnon,
per trovai na solusion:

serve sol per chi portin
che c'han bsogn del contentin.
E dacsè per la vigilia
fan partì la Mille Miglia:

Da Badò a Castel Boccion
da Coldelc a Cerquet Bon
da la Torr a la Miniera
han da fnì prima dla sera.

Se qualcun i ved pasè
en fa temp a di "sa ch'è?"
che già quei han cresimat
n'antre ch's'era lamentat:

"stia tranquillo: lunedì
una squadra sarà qui."
Chel lundè naturalment
en ariva propi gnent.

E dacsé chel disgrasiat
Anca lo l’avra imparat
L’unic mod per fai lavrè
Saria d’gì sempre a votè

giovedì 11 marzo 2010

.

Ferma.

Se agiti il tempo

senti il crepuscolo

mentre un'idea

scrive il tuo corpo

e tu

sei per sempre

.